在播劇《狀王之王》中

客串“陳夢吉”嘅陳浩民

從預熱階段就受到大家關注

自2008年《搜神記》後

陳浩民就離開TVB轉戰內地

繼續發展演藝事業

當年佢都係無線當紅嘅小生

佢飾演嘅哪吒、段譽等角色

都幾得觀衆歡心

據聞當年佢覺得TVB工資低

所以毅然離巢往內地發展嘅

仲將前東家“刻薄”嘅證據

唱通街添

可以話佢同無線係不歡而散嘅

TVB亦一直都冇搵翻佢嚟拍劇

時隔16年

陳浩民已經兒女成群

喺內地亦有一定知名度

仲出咗唔少代表作添

講起今次翻嚟拍戲

全因《狀王之王》嘅監制林子聰

對佢發出邀約

佢爲撐好友就即刻應承啦

大家關心佢今次翻嚟

會唔會獅子開大口咁要價、講條件

陳浩民就即刻賣乖咁話

冇TVB就冇佢、唔會開條件

只要有需要佢一定會翻嚟哦

究竟當年佢係因爲嫌錢少而離巢

定係一直心懷感恩

將TVB當成栽培佢嘅地方

似乎已經冇太多人去追究了

//////////

唔知大家仲記唔記得

因爲《新聞女王》

而升呢“視後”嘅佘詩曼

其實係陳浩民嘅舊愛嚟噶

兩人因爲《情緣汽車機》相識

隨後合作《飄忽男女》

撻著之後多次被影到高調親昵

佘詩曼&陳浩民認愛之後

阿佘贊陳浩民令佢開心、舒服

大家都以爲佢哋

可以長長久久嘅時候

兩人就因爲聚少離多而分開咗

阿佘曾經講過

佢希望自己喺事業上再沖一下

唔希望只做家庭主婦

而從陳浩民宜家同蔣麗莎

不停生B擴大家庭陣容就知

陳浩民希望另一半以家庭爲重

講到宜家嘅阿佘已經貴爲“視後”

陳浩民便回應“佢一直係女王”

似乎就暗示

過去自己都搞佢唔掂

而宜家兩人都有自己嘅事業&生活

陳浩民都大大方方話

自己唔抗拒同阿佘合作

唔知道大家是否期待

二人再合作拍劇咧

來源：可樂生活Color微信公衆號

編輯：張子殷

審核：曾敏妍

簽發：駱蘋